敖清雯 Nat | 香港

課程內容分享

「學到最重要嘅一定包括面試同寫 CV 嘅技巧。正式面試前做嘅幾次模擬面試同 CV360 教學絕對幫助僱主更容易睇到我嘅優點、技巧同態度，從而協助佢哋檢視我點樣適合呢份工。」

「透過「鼓掌 X 創世代」入面嘅僱主探訪環節，我唔單止了解到唔同公司嘅空缺，更加深入了解到各個公司嘅文化，由此令我選擇到最適合自己嘅公司。」

「角色扮演畀我係返工之前已經識點樣應對各式各樣嘅客人。例如應對好憤怒嘅客人嘅時候，就算佢係前台大吵大鬧，都唔駛急、唔駛怕、唔駛直接搵上司，而係可以安排佢去一個角落，等佢稍微冷靜後慢慢用心聆聽，再去理性解決。」

在「鼓掌 X 創世代」的個人成長

「真係會令我個人有責任心重好多嘅，以前對返工嘅責任冇話有幾重視，心情唔好咪射波囉，請病假囉。但係讀完課程後就發覺前台好咩崗位都好，你遲到一分鐘都係遲，都要其他人幫你執手尾。課程令我學識點樣從人地角度出發，體諒他人，堅持每一日準時返工，改變左我個人好多。」

「好多時客人未正式提出佢嘅要求，我哋已經可以觀察到佢嘅需要，主動關懷客人送上令佢覺得貼心、窩心嘅服務。例如當客人凌晨才到達酒店，我哋已經預早準備好一切匙卡及安排運送行李，務求令客人用最短嘅時間辦理入住手續，盡快上房休息。」

「鼓掌 X 創世代」是我信心的泉源

清雯對酒店款接行業一直深感興趣，早在2014/2015學年便完成了香港專業教育學院的酒店款接基礎文憑課程，卻因沒有信心而止步於申請酒店的前線職位。

經過「鼓掌 X 創世代」的培訓課程，清雯逐漸累積足夠的信心，再次嘗試加入酒店款待行業。

「「鼓掌 X 創世代」令我可以好自信咁表現我最好嘅一面！我唔再怕去申請酒店嘅前線職位。」、「就算係真正工作實踐嘅時候都根本唔會怕，因為最難嘅嘢你已經過左。」

清雯邁出了她的第一步，參加了「鼓掌 X 創世代」，改善了自己的態度、累積了更大的信心。你準備好邁出你的一步了嗎？